Siggi bloggar.

4. dagur.

Æfingarnar hafa gengið vel hingað til og stelpurnar eru mjög móttækilegar fyrir öllu sem Strapo (þjálfarinn þeirra) hefur fram að færa. Rigningin sem Anna minntist á var alvöru rigning. Þið getið ímyndað ykkur skýfall heima og margfaldað svo nokkrum sinnum.

Stelpurnar spiluðu við serbneskar stelpur í dag og sterkara liðið okkar rúllaði yfir þær en það slakara var ívið veikar en það serbneska. En eitt vorum við fararstjórarnir sammála um, að ekkert okkar hefur séð stelpurnar spila jafnvel. Sóknin var hreifanleg , barátta í vörninni og svo tóku þær fast á móti nokkrum ótrúlega grófum stelpum. Í stuttu máli ótrúleg framför.

Allar stelpurnar kveinka sér yfir ótrúlegustu hlutum af og til, en eins og góðum fararstjórum sæmir hefur okkur tekist að ráða fram úr flestu ýmist með viðtalsmeðferð, áfallahjálp eða almennum yndislegheitum.

Flottar og góðar stelpur á ferðinni hérog góður andi í hópnum.

 við biðjum öll að heilsa.

Siggi Sig.

PS.   Gullmola ferðarinnar á Sigrún Gabríela, þegar æft var í samkomusalnum vegna rigningarinnar var ein hlaupaleiðin upp á svið. Áleiðinni upp á sviðið galaði hún "ég er með sviðsskrekk".

Athugasemdir

[Tómas (IP-tala skráð) 13.8.2007 kl. 10:13]

Spurning hvort ég verði ekki að skipta um nafn. Það er ekki hægt að heita einhverju venjulegu nafni ef maður á að taka við af náunga sem heitir STRAPO.

(bara) Tómas

[Anna Björk (IP-tala skráð) 13.8.2007 kl. 17:02]

Þetta er ekkert mál darling, þú getur andað létta, Siggi mismælti sig, hann heitir Sdravko - Tómas Albert slær því alveg við er það ekki....?? hehe....